Turkey-in emergency pawtsei dawn

Turkey Deputy Prime Minister Numan Kurtulmus chuan an rama emergency puan mek chu thla thum dang atan pawhsei a ni dawn tih Thawhṭanni zan khan a sawi.

Thawhṭanni zan khan President Recep Tayyip Erdogan-a kaihruaiin cabinet meeting neih a ni a, emergency pawhsei chungchang hi ngaihtuahin vawiin-ah sorkar thupek hi puan chhuah a ni ang. Cabinet meeting hi National Security Council-in emergency pawhsei a rawt vanga neih a ni.

Turkey sorkar hian sipai ṭhenkhatin sorkar paihthlak tuma an beih hnu, kum 2016 Juy 20 khan ram pumah emergency hi a puang a ni. Deputy PM Kurtulmus chuan sorkar paihthlak tuma beitu, Fetullah Terrorist Organization (FETO) chu an la hlauhawm chhunzawm zel avangin emergecy hi pawhsei a nih thu a sawi.