Firfiakten Egypt-a St. Catherine monastery bul bei

Egypt chhim lam, Sinai-a St. Catherine Monastery bul chu Thawhlehni khan firfiakten an bei a, monastery luhna bul hnaia police checkpoint beiin police officer pakhat a thi a, mi dang pali-in hliam an tuar.

Islamic State (IS) firfiak pawl chuan he pawikhawihna hi an tih a nih thu an sawi.

St. Catherine Monaster hi kum zabi paruk hunlaia din a ni a, Sinai tlang bulṭhuta awm a ni. Khawvela Kristian monastery upa ber zinga mi niin, UNESCO World Heritage Site-ah puan a lo ni tawh bawk.

Firfiakte hian monastery luhna gate aṭanga meter 800 vela hlaa awm, police checkpoint hi an bei a ni.

April 9 khan Egypt rama Kristian biak-in pahnih chu firfiakten an bei a, he thil thleng hi IS chuan an tih niin an chhal bawk. February thla khan North Sinai province-a Kristiante chu vau leh beih an nih avangin chhungkaw tam tak an lo tlanchhe tawh bawk a ni.