US-a inkahna thlengah mi pathum thi

California state, US-a Fresco-ah mihang, Kori Ali Muhammaad chuan Thawhlelhni khan mi ngo pathum a kaphlum a, mi dang pakhatin hliam a tuar.

Muhammad hi vunrawng inthliarna lam hawia pawikhawihna thlen nia ngaih a ni a, police hotu Jerry Dyer chuan second 90 chhungin silai mu 16 a kapchhuak hman niin a sawi. Silai a hmehpuah lai hian Arabia ṭawngin ‘Pathian a ropui’ tiin a au a, police-te’n an man zui nghal a ni.

Kum 39 mi, Muhammad-a hi kar kaltaa Freno khuaa hotel pakhata security guard a kahhlum avangin man tuma zawn lai a ni bawk.

Tualthattu hian social media lamah mi ngo ho a huat thu leh, sorkar kalphung a duh lo thute pawh a lo tilang tawh niin police-te chuan an sawi. Hemi rual hian Muhammad-a hi firfiak nena inzawmna nei nia a lan loh thu Dyer chuan a sawi.

Silai hmehpuah hun hi chawhma dar 10.45 vel niin, Catholic Charities headquarters bula thleng a ni. Muhammad hian Pacific Gas and Electronic Company motor kapin, he motor-a chuangte hi a kaphlum a ni.

Black Jesus tia a hming invuah, Muhammad hi tualthah thubuai pali bakah, tualthah tuma puhna thubuai pahnih siamsak a ni.