Duterte-a hmalakna thlawptu tlahniam

Philippines President Rodrigo Duterte-a’n an ram chhunga ruihlo do beihpui a thlak mekah, police-te kutah ruihhlo zuar leh ngawlvei nia rin mi tam tak an thih avangin sorkar hmalakna thlawptu an tlahniam sawt hle. Nikum December thlaa mipui ngaihdan lakah, sorkar hmalakan thlawptu 85% an awm laiin, Social Weather Stations (SWS)-in ngaihdan an lak hnuhnung berah chuan a ṭha titu hi 78% ah an tlahniam tawh a ni. Sorkar chetdan duh lotu hi 8% aṭangin 12% ah an pung tawh bawk.