Australia-in citizenship pek dan tur siamṭha

Australia sorkar chuan an rama pem lut, Australia khua leh tui nihna dilte khauh zawka endikna turin an dan hman mek a siamṭha.

Prime Minister Malcom Turnbull chuan citizen nih dilte chu English an thiam dan te, Australia an ngaihhlut dante enchhin vek a ni dawn tih a sawi. Citizen dil thei chin hi Australia rama kum li tal awm tawh an nih a ngai a, hei hi dan an hman mek aiin kum thumin an titam a ni.

PM Turnbull chuan dan siamṭhat hi pem lutte khawtlanga an inchhunluh ṭhat zawkna tur a nih thu a sawi. Australia duhdan angte zawmte turin an inpe dawn tih an hriatthiam a ngai dawn a ni, a ti. Pem lutte chuan sakhaw tin zalenna te, mipa leh hmeichhe intluktlanna te chu an pawm a ngai a, hmeichhiat leh naupangte an zah bawk tur a ni, a ti. Inchhung khur kut inthlak leh tharum thawhna lam chi a thlen an duh lo tih a sawi bawk.

Australia sorkar chuan visa scheme pawh thlak a tum tih sawiin, scheme thar hnuaiah hian ram dang mite tan hnathawk tura Australia rama luh hi a har tawh dawn a ni.