TV debate-ah Britain PM tel tum lo

Britain Prime Minister Theresa May-i chuan kumin June 8-ah an ram inthlanpui neih a ni dawn tih a puan hnuin, inthlan neih tur puala TV-a debate buatsaihah inlan ve a tum lo tih a sawi. Hei he eptu leh media lam chuan na takin an sawisel zui nghal a ni.

PM May-i chuan TV debate-a inlan ai chuan kal chhuah a, voter-te hmaichhana hmuh leh kawm a duh zawk niin a sawi. Kum 2010 leh 2015 inthlanpuiah khan political hruaitute hian TV debate neiin, an ram tana pawimawh leh an policy chungchangah te debate hi an nei thin a, debate hi maktaduai 4 - 10.3 in an en a ni.

May-i hian Britian mipui tam zawk duh dan anga European Union chhuahsanna tura hma an lakna chu chak zawka kalpui a nih theih nan kumin June 8 ah inthlanpui an neih tur thu hi a lo puang tawh a ni.

House of Commons chuan PM-in inthlan hun tura a puan chu Nilaini khan a pawmpui. House-a vote laknaah June thlaa inthlan hi member 522-in an thlawp a, member 13 in an duh lo thung.