Syria-in chemical ralthuam a la ngah : Israel

Israel sipaite chuan Syria President Bashar al-Assad-a sipaite chuan chemical ralthuam tam tak an la nei niin a sawi.

Syria sorkar hian kar hnih liamta khan helho beihna atan chemical ralthuam a hmang nia sawi a ni a, mi 90 dawn an thi a ni. Mahse Syria chuan beihpui thlaktu leh, chemical ralthuam hmanga an puhna hi a pha thung.

Israel bakah ram hrang hrangte chuan Syria sorkar chetdan an dem thu hi an sawi a, chemical ralthuam hmanga beihpui thlaktute chu President Assad-a sipaite ngei an ni tih finfiahna pawh an nei thuai dawn niin an sawi.

Kum 2013-a Russia leh US kaihhruaia inremna an siamah khan, Syria hian a chemical ralthuam neihte tihchhiat vek a lo remti tawh a ni.

Hetih lai hian Apirl 4-a Idlib province beihnaah khan Syria sipaite chuan sarin toxin emaw, a anpui emaw an hmang nia puh a ni . An chemical hman hi Turkey leh British laboratory-ahte en­chhin a ni tawh.

Israel Defence Minister Avigdor Lieberman chuan Idlib province beihna hi President Assad-a thupek leh rua­hmanna anga neih ngei a ni, a ti.