Ukraine an run hnuah a ṭum khatna atan Putin zin chhuak dawn

Russia president Vladimir Putin chuan tun kar hian central Asia-a Soviet ram hlui pahnih a tlawh dawn. Hei hi February 24-a Ukraine ram an run hnua ram pawna a zinchhuahna hmasa ber tur a ni.

President Putin hian Tajikistan leh Turkmenistan a tlawh dawn a, hemi hnu hian Indonesia president Joko Widodo chu Moscow-ah inbiakna a neihpui bawk ang.

Dushanbe-ah hian Russia ṭhian hnai tak zinga mi, Tajik president Imomali Rakhmona chu Putin hian a hmu dawn a, Ashgabat-ah Azerbaijan, Kazakhstan, Iran leh Turkmenistan ram hruaitute inhmuhkhawmna, Caspian nations summit-ah a tel dawn bawk a ni.

Russia pawn lama Putin zinchhuah hnuhnun ber chu kumin February thla tira Beijing a tlawh ṭum kha niin, hetah hian China president Xi Jinping nen thawhdunna, “no limits” friendship treaty an ziah hnuah Winter Olympic Games hawnna a hmanpui bawk a ni.