France president thlan thawh khatna nei

France President thlan thawh khatna chu nimin khan neih a ni a, inthlan thawh khatnaah hian tling tura vote hmuh ngai zat hmu pha an awm loh chuan a thawh hnihna chu May 7-ah nei leh a ni ang.

President tling tur hian vote tla aṭangin 50% hmuh phak a ngai a, candidate zingah hei hi hmu pha an awm loh chuan vote hmu sang pahnihten inthlan thawh hnihna hi an hmachhawn leh dawn a ni.

Candidate 11 an awm a, vote nei mi maktaduai 47 vel an awm bawk. Vote thlak theih hun hi zing dar 8 aṭanga zan dar 8 thleng a ni a, vote thlakna polling station 69,000 siam a ni.

Inthlan hmaa mipui ngaihdan lakah candidate zinga vote hmu sang pali-te chu - Minister of economy hlui Emmanuel Macron, far-rightist Marine Le Pen, right-wing conservative Francois Fillon leh far-leftist Jean-Luc Melenchon-te an ni.

President ṭanglai Francois Hollande chuan an ram mipuite rilruah a tlak nat loh avangin inthlan hi chuh chhunzawm a tum lo a ni.