Israel-in Syria-a Quneitra province a bei

Israel sipaite chuan Syria rama Quneitra province-a Syria sorkar thlawptu pawl, National Defence Forces (NDF) an bei a, mi pathum an thi a, mi dang pahnihin hliam an tuar.

Israel sipaiten beihpui an thlakna hmun hi Quneitra province-a Naba al-Fawwar bialah a ni a, hei hi Golan Heigh-a Israel-in a luah sak loh huam chhunga awm a ni.

UK-a hmunpui nei Syrian Observatory for Human Rights chuan Israel sipaiten Quneitra province an beih thu hi a sawi a, mahse chanchin kimchang erawh a tarlang lo. Israel sipaite chuan Zirtawpni khan Syria ram chhung atanga Goland Height-a Israel ram luahchin beih a nih avangin an chhang let niin an sawi.

Israel hian kum 1967-a Middle East War lai khan Syri rama Golan Height huam chhunga ram km 1,200 biala zau chu lain a luah zui a, mahse hei hi international community-in a pawmpui lo. Hetih lai hian Golan Height-a ram km 510 biala zau chu Syria sorkar kutah a awm thung.