Autralia PM-in Iraq leh Afghanistan tlawh

Australia Prime Minister Malcolm Turnbull chuan Iraq leh Afghanistan tlawhin, Australia sipai awmte a hmu.

Malcolm Turnbull hian Iraq Prime Minister Haider al-Abadi chu Baghdad-ah hmuin, Afghanistan President Ashraf Ghani leh US Secretary of Defence James Mattis-te chu Kabul-ah a hmu bawk.

Turnbull chuan Australia chuan Afghanistan ram himna tura firfiak beihletna kawngah US, NATO leh Afghanistan sorkar chu a thawhpui zel dawn tih a sawi. April 21 khan Taliban firfiakten Afghanistan hmarlama army base an bei a, sipai 140 an thi a ni.

Afghanistan sipaite training pek tur leh pui tur hian Australia hian sipai 270 a tir a, Iraq leh Syria ramah sipai 780 a tir bawk. Kum 2002 aṭang khan Afghanistan rama firfiakte beihnaah Australia sipai 42 an thi tawh a, Iraq-ah pahnih an thi bawk.