Chile-ah magnitude 6.9-a nain lir nghing

Chile khawthlang lamah nimin khan magnitude 6.9-a nain lir a nghing a, mahse chhiatna lian tham a thleng lo nia hriat a ni. Lir nghing inṭanna hi Chile khawpui, Santiago aṭanga km 137 vela hla, tuipui kama khawpui Valparaiso aṭanga km 35 vel, lei hnuai km 25-a thuk a ni a, khawpuiah pawh lirnghing hi an hria. Epicenter bul hnaia chengte chu hmun him lamah an tlanchhia a ni. Lirnghing hnu lawk hian tsunami a thlen mai hlauhthawn thilah warning tihchhuah a ni a, mahse a hnuah sut leh nghal a ni.