Japan disaster minister a bang

Japan disaster reconstruction mi­nister Masahiro Imamura chu nimin khan minister a nihna aṭangin a bang.

Masahiro Imamura hian kum 2011 March thlaa an ram hmarchhak lamin lirnghing leh tsunami an tawrh chung­chang a sawinaah, he chhiatna thlena hi Tokya bial huam chhung a ni lo chu lawmawm a tih thu a sawi a ni. A thusawi avang hian sawisel a tawk nasa hle a, hei vang hian minister a nihna aṭangin banna pawh a thehluh phah a ni.

Prime Minister hnena banna a thehluhah, Imamura chuan Japan hmarchhak bial a mite rilrua a tina chu pawi a thih thu a sawi.

Yoshino hi Fukushima bial aṭanga Parliament lower house member a ni a, senior vice environment minister pawh a lo ni tawh ṭhin.

Eptu pawl lian ber, Democratic Party hotu Kazuya Shimba chuan Imamura chu chhiatna rapthlak tak tawkte lainatna leh khawngaihna nei loah a puh a, minister aṭanga a ban ringawt chu a tawk lo a, Prime Minister Shinzo Abe pawhin mawhphurhna a nei tel a ni, a ti.