Israel PM-in Germany minister nen inbiak tur ṭhulh

Israel Prime Minister Benjamin Netanyahu chuan Germany foreign minister nena inbiakna an neih tur a ṭhulh.

Israel PM Netanyahu leh Germany minister Sigmar Gabriel-te hi nimin khan Jerusalem-a inhmu tur an ni a, mahse Germany minister hian Israel human rights pawl, Breaking the Silence leh B’Tselem-te meeting neihpui a tum avangin PM hian a hmu duh ta lo a ni.

Netanyahu hian a hmain human rights activist-te hi a hmuh chuan Gabreil hi inbiakna a neihpui thei dawn lo tih a lo sawi tawh a ni. PM chuan he pawl hian sorkar thute an ngai pawimawh lo niin a sawi a, sorkar chuan ramdang aṭanga sum an dawn ṭhinte tihtawp sak turin hma a la bawk.

Ram hruaitute inbiakna tur ṭhulh hian ram pahnihte inkarah nghawng a neih rin a ni a, Gabriel pawhin a lawm loh thu sawiin, “Israel Prime Minister hi Germany-ah rawn zinin, Germany sorkar sawisel ṭhinte hmuh a duh laiin lo phalsak lo tlati ila, thil tih awm lo tak a ni dawn a ni”, a ti.