SKorea-in missile sytem dah man pek tum lo

South Korea sorkar chuan North Korea-in a beihna tur venna atana ramri-a missile system a dah man dollar maktaduai khat chawi tura US President Donald Trump-an a rawtna chu a hnawl. Terminal High Altitude Area Defense (THAAD) system part

ṭhenkhat hi dah luh a ni tawh a, ni reilote hnuah hman theih beisei a ni. President Trump chuan he missile sytem hi dollar tluklehdingawn tel man a ni a, a man hi SKorea hian a pe a nih chuan thil tihawm tak a nih tur thu a sawi. Missile system hi SKorea mite venna tur a ni a, amah ngei pawhin SKorea mipuite chu venhim a duh a, mahse a man an pek ve a ngai nia a ngaih thu a sawi.