Trump-an China President a fak

US President Do­nald Trump chuan China President Xi Jinping chu North Korea chungchang a buaipui danah a fak a, mi ṭha tak, a ram hmangaihtu dik tak a ni, a ti.

President Trump hian NKorea nen an innghir­ngho mekna chu inbiakna hmanga chinfel a duh tih a sawi a, mahse hei hi thil harsa tak a nih thu leh, buaina lian tak thleng thei a nih thu a sawi. North Korea ram hotu, Kim Jong-un atan kum naupang tea an ram enkawl chu a harsa dawn hle niin a sawi bawk.

Nimin khan UN Security Council chuan NKorea chungchang ngaihtuahin meeting a nei a ni.

US Secretary of State Rex Tillerson chuan NKorea hian nuclear test a neih leh chuan China hian na taka hrek an tum tih US pawh a hrilh tawh niin a sawi.

President atana lakluh a nih hnu lawmah Trump hian China chu NKorea nawrna kawngah thawk ṭha tawk lo niin a puh a, US chuan a mala hma a lak mai a ngai dawn niin a sawi a ni. Mahse tun thla tir lam khan China President Xi nen hian inkawmin, North Korea chungchang hi an sawidun a ni. Trump chuan Xi chu mi ṭha tak, China leh China mipuite hmangaihtu a ni a, NKorea chungchangah pawh thil eng emaw tak tih theih chu a duh a ni, a ti.