Myanmar leh SKorea-in MoU ziak

Myanmar leh South Korea chuan techno­logy lama thawhdunna tur memorandum of understanding (MoU) an ziak.

MoU hi Ningani khan Nay Pyi Taw-ah Myanmar Ministry of Industry leh Korea Institute for Advancement of Technology (KIAT) in an ziak a ni. He inremna hi ram pa­hniha company leh research organisation te techno­logy lama hmasawnna leh thawhdunna ṭha zawk an neihna tura siam a ni.

Korea International Cooperation Agency (KOICA) chuan Myanmar sorkar hnenah an rama trade and investment an kalpuina tura ruahmanna a siamte a thehlut tawh a, Myanmar Trade-Investment Promotion Agency din a tum bawk a ni.

Official statistics-a a landanin, Myanmar rama SKorea investment hi US dollar tluklehdingawn 3.555 hu a tling tawh a, kum 1988 aṭanga kumin March thla thleng khan project 138 a kalpui tawh bawk. SKorea hi Myanmar rama investment titu ram lian parukna a ni.