Philippine President thar atan Ferdinand Marcos Jr lalut

Philippines President thar atan Ferdinand Marcos Jr chu nimin khan rinawmna thu tiamtira lakluh a ni.

Philippines dictator hlui, Ferdinand Marcos-a fapa, Ferdinand Marcos Jr hi kum 64 mi niin, President thar thlannaah hian hneh taka thlan tlin a ni a, kum 1986-a nawrh huaihawt hmanga a pa paihthlak a nih hnuah inthlanpuia inhnehna sang ber a tling a ni. Ruihhlo do beihpui a thlak dan kawnga sawisel hlawh tak, Rodrigo Duterte a thlak a ni.

Nimin chhunah khan Manila-a National Museum-ah President thar lakluh inkhawm hi buatsaih a ni a, mipui tam tak an tel. Ram dang hruaitu China vice president Wang Qishan leh US Second Gentleman Douglas Emhoff-te leh ram dang palai eng emaw zat an tel bawk.

President thar Marcos Jr chuan an ram mipui tinten an chhawr theih tur policy kalpui turin a intiam, inlungrual taka an ram tana thawkho turin a sawm nghal bawk a ni.