Israel-in China mi 6,000 hnathawkah chhawr dawn

Israel chuan in sakna hmuna China mi 6,000 zet chhawrna turin Pathian­ni khan China chu inremna a ziahpui.

Israel media-te chuan hnathawka chhawr turte hi China-in a phut angin Palestinian ram luahsak, West Bank-a Juda-te chenna tur in saknaah chhawr loh a remti niin an tarlang a, mahse sorkar lam chuan hemi chungchang hi an la sawi chiang lo a, an hnathawhna hmun tur­ah inremna an siam thu ringawt a tarlang.

He inremna hi Pathianni khan Jerusalem-ah ziah a ni a, Israel Housing Minister Yaov Galant leh Chinese International Trade Representative leh Vice Minister of Commerce Fu Ziying-te’n an hming an ziak.

Nikuma Prime Minister Benjamin Netanuyahu-a’n China a tlawh ṭum khan China mi hnathawka chhawr tur hian a thuphung­in an lo inrem tawh a ni.

Israel ramah hian in sak hi a hautak chho hle a, hnathawktu indaih tawk lohna chu an buaina ber niin, ramdang mi hnathawka chhawr tur mi tam tak an la lut fo a ni.