Israel Parliament ṭhiah fel a ni ta ; Kum 4 chhungin vawi 5 inthlang dawn

Israel Parliament, Knesset chu Ningani khan ṭhiah fel niin, kumin November thla hian kum li chhunga a vawi ngana atan inthlanpui an nei leh dawn.

Israel foreign minister leh ṭangrual sorkar ṭhiah taka mi pawimawh tak, Yair Lapid chu nizan aṭang khan prime minister lailawk atan dah a ni. Israel ram chanchina prime minister ni rei lo ber Naftali Bennett chu thlakin, an ram PM 14-na atan lakluh a ni.

Kum 12 chhung thuneihna lo chelh tawh, PM Benjamin Netanyahu chu paihthlain party pariat telna, ṭangrual sorkar hi a ding a, hetah hian a vawi khatnan Arab pary-te pawh an tel. Kum khat chuang awrh thuneihna an chan hnuah an duhdante an in mil thei loh avangin ṭangrual sorkar hi a tluchhe zui ta a ni.

Inthlanpui buatsaih leh a nih theihna tura Parliament thiahna motion put luh chu member 92 in an thlawp a ni. Inthlan neih hun atan November 1 an pawm nghal bawk.