Congo khawthlang lamah Ebola hri leng

World Health Orga­nization (WHO) chuan Ebola hri chu Democratic Republic of Congo khaw­tlang lam, Central African Republic ramri depa awmte zingah a len thu a tarlang a, he hri kai hi mi 50 dawn an awm mek thu a tarlang bawk. 

Thuneitute chuan June 1 khan Congo-a Equateur province-ah Ebola hri kai mi 48 an awm thu an tarlang a, heng mite bakah hian hri kai nia rinhlelh pathum an la awm bawk a ni. He hri vanga thi hi mi 20 an tling tawh tih WHO-a top emergency expert, Mike Ryan chuan a sawi.

"He thil thleng hi ngaihthah chi ngawt a ni lo a, theihtawpa invenna kawnga hma lak a ṭul dawn a ni," tiin Ryan chuan a sawi bawk. Hri lenna hmun hi Congo lui dung lam a ni a, helai hmuna khawsa leh vak vel hi an tam  avangin invenna kawng lam ngaihtuah a ṭul hle niin Ryan chuan a sawi a, North Kivu leh hmun danga he hri lo darh tawhna pawh hmalakna a ṭhat vanga thunun theih a nih thu a sawi bawk.