Israel-in Hezbollah drone an kap thla

Israel chuan Mediterranean-a Lebanon nena an inchuhna bial lam pana thlawk, Hezbollah-te drone pathum a kahhthlak sak thu a sawi.

Military official-te chuan drone-te hi Lebanon aṭanga kahchhuah a ni thu sawiin, fighter jet leh lawng aṭanga missile an kah hmangin heng drone hi an lo kapthlak tih an sawi a ni.

Hezbollah pawhin drone hi an kahchhuah a nih ngei thu an thuchhuahah an tarlang.

Mediterranean-a Karish gas field neitu nih inchuhin, Israel leh Lebanon inkar boruak hi a ṭha lo hle. Hun rei tak buaina an neih tawh hi chinfel dan ngaihtuahin US energy envoy Amos Hoschstein chuan palai hna a thawk mek.

Israel chuan he gas field hi UN-in a pawmsak, an ram economic zone huam chhunga awm niin a sawi a, mahse Lebanon chuan field awmna hmun ṭhenkhat chu an ram chin a nih thu an sawi ve bawk a ni.

Hezbollah chuan, "Kan tum kan ti hlawhtling a kan hriattir duh pawh an dawng e," tiin thuchhuah chuan a sawi.