US state 17-in Trump-a kaihhruai sorkar khing
US-a state 17 leh District of Columbia chuan President Donald Trump kaihhruai sorkarin tunhnaia an rama ramdang mi zirlai, class pangngai kal loa online class chauh kalte visa tihtawp sak an ni dawn tih a sawi chu an khing let.
US sorkar chuan conoronavirus leng vangin zirna in ṭhenkhat, online class chauh buatsaihna hmuna ram dang mi zirlai awmte chu an ramah an awm chhunzawm zel a rem dawn lo a, US an chhuahsan emaw, zirna in danga an insawn emaw a ngai dawn niin a sawi a ni. He thutlukna hi state hrang hrangte chuan na takin an sawisel a ni.
Massachusetts Attorney General Maura Healey chuan hri leng vanga zirna in khar a ngaih vang leh, zirlai naupangte hriselna leh himna tur ngaihtuah a ngaih avanga online class hi kalpui a nih thu a sawi a, sorkar hian hetiang thutlukna awmze nei lo a siamna chhan hi sawifiah pawh a tum lo a ni, a ti.