Myanmar sipai leh eptute inbe turin China-in ngen

China-a foreign minister Wang Yi chuan Myanmar rama sipai sorkar chu eptute pawl nena inbiakna nei turin a ngen.

Kum 2021-a Myanmar sipaiten civil sorkar thuneihna hnehchhuh a, thuneihna an chan hnua a ṭum khatna atan China foreign minister hian a tlawh a ni.

China hi Myanmar sipaite thawhpui tlemte zinga mi a ni a, ralthuamte an supply a ni. Aung San Suu Kyi kaihhruai civil sorkar paihthlak a nih chungchangah pawh thuneihna hnehchhuh ti angin a sawi ve ngai lo.

Wang chuan Myanmar sipai sorkara foreign minister, Wunna Maung Lwin hnenah Myanmar chu politics leh khawtlang thilah pawh dinhmun ngelnghet taka an awm a duh thu a hrilh a, Myanmar rama party hrang hangte chuan inbiakna nei a, inremna ṭha tak an siam theih a duh thu a sawi bawk.

Myanmar sipaite'n thuneihna an chan hnua China-a thuneihna sang changtuin a tlawh ṭum khatna niin, Wang hian Cambodia, Thailand, Laos leh Vietnam ram foreign minister-te nen Bagan khuaah meeting an nei a ni.

Hetih lai hian Myanmar sipai sorkar thupuangtu chuan sipai leh hruaitu paihthlak tak, Aung San Suu Kyi-te tan inremna siam chu thil theih a nih loh tur thu a lo sawi tawh thung.