UK zirlaiten chaw ngheiin nawrh huaihawt

United Kingdom (UK)-a university zirlaite chuan Israel jail-a Palestinian mi tang, chaw nghei mekte a thlawpna lantir nan kar kalta khan chaw ngheiin nawrh an haihawt.

Univesityof Manchester-a zirlai pawl khat chuan kar kalta Ningani aṭang khan chaw ngheia nawrh hi an huaihawt ṭan a, kar khat vel nawrh an tum a ni.

Israel rama Palesti­nian mi tang mek 1,500 chuang chu thuneituten an enkawl danah lungawi loin chaw ngheiin an nuar mek a, nawrh huaihawt hi Fatah hruaitu Marwan Barghouti-a’n a ho a ni.

UK-a zirlai nawrh huaihawtte chuan an nawrh chhan hi sawifiahin, Palestinian mi, Israel jail-a tang mek zinga tam tak chu an thubuai ngaihtuah sak lo leh, thubuai pawh siamsak loin thla ruk chuang te an tang tawh niin an sawi. Jail chhunga enkaw an nih dan a ṭha tawk lo a, damdawi lam enkawlna pek an nih loh bakah, tlawhtu pawh neih phalsak mumal an ni lo tih an sawi.