France president candidate Le Pen-i’n a PM tur ruat

France President thlan thawh hnihna hmachhawn tur, far-right candidate Marine Le Pen-i chuan president thlan khatnaa tla ta, Nicolas Dupont-Aignan chu a prime minister atana ruat. Hei hian inthlan thawh hnihnaah Dupong-Aignan thlawptute vote pawh a hip phah rin a ni.

April 23-a France Pre­sident thlan thawh khatna neihah khan Dupont-Aignan hian vote tla aṭang­in 4.7% a hmu a, May 7-a President thlan thawh hnihna hmachhawn tur, Marine Le Pen chu Emmanuel Macron aiin a thlawp zawk dawn tih pawh a lo sawi tawh a ni.

Inthlan thawh thihna hmachhawn tur, Marcron leh Le Pen-te hian inthlan thawh khatnaah khan vote an hmu sang lo a, an pahniha vote hmuh belhkhawm hi 45% chauh a tling pha a, hei vang hian candidate tling zo ta lote thlawpna a pawimawh chho hle a ni.

Mipui ngaihdan lak hnuhnung berah kum 39 mi, Macron chu tling tura rin kai zawk a la ni a, vote 59-60% vel a hmu pha. Mahse kum 56 mi, Le Pen-i hian hma a sawn chak avangin a tling zawk tur hi a la chiang lo nia ngaih a ni.