NKorea-in missile enchhin leh

North Korea chuan US leh ramdangten missile enchhin tawh lo tura an nawr reng karah, kar kalta Inrinni khan ballistic missile a enchhin leh a, mahse a hlawhchham nia sawi a ni. US leh South Korea official-te chuan missile hi NKorea khawpui, Pyongnang hmar lam aṭanga kahchhuah niin an sawi a, mahse kahchhuah a nih aṭanga minute reilote hnuah a puak a ni. SKorea sipaite chuan NKorea missile enchhin hi KN-17 tia hriat, km 71 china sanga kap pha niin an sawi.