Ukraine tundin leh nan $mtd 750 mamawh a ni : Zelenskyy

Ukraine president Volodymyr Zelenskyy chuan indonain nasa taka a tichhiat, Ukraine ram tun din lehna turin USD tluklehdingawn 750 mamawh a ni tih a sawi.

Thawhṭannia Switzerland-a Ukraine Recovery Conference-a thu a sawiah, President Zelenskyy leh a minister-te chuan kumin February 24 aṭanga Russia-in a run hnua an rama chhiatna thlen dante leh mamawh inchhek khawl ṭhahnem tak an neih tawh thu an sawi a ni.

"Ukraine siamṭhat hi ram pakhat mai ina an thawh theih a ni lo. Khawvela democracy ramten ṭangruala an tihchi zawk a ni" tiin "Ukraine dinthar leh chu khawvel puma remna kan thlawpzia lantir tura kan tih theih sang ber a ni," tiin Zelenskyy chuan video message hmangin a sawi.

Prime minister Denys Shmyhal chuan Ukraine dam khawchhhuah zel thei nan, an chhut danin USD mtd 750 vel an mamawh tur thu conference hmaah a sawi ve bawk. "Kan indinthar leh theihna kawng pawimawh tak chu Russia leh an thawhpuite thilte(asset) chhuhsak a ni," tiin Russia thuneitute chu indona rapthlak tak thlentuah a puh. "Chhiatna hi anmahni thlen a ni a, chuvang chuan a mawh an phur tur a ni," a ti.