US-a thlipui tleh vangin mi pasarih an thi

US chhim lamah kar kalta Inrinni leh Pathiannia thlipui tleh vangin mi pasarih an thi.

Texas state khawchhak lama thingtlang khaw eng emaw zat chu thlipui hian a nuai a, mi pali an thi. Misouri, Arkanas leh Mississpi-ah thlipui tleh vanga chhiatna thlengah mi pakhat ṭheuh an thi bawk. US official-te chuan thlipui tleh vang hian hliam tuar mi tam tak an awm niin an sawi. Inrinni khan Texas-ah thlipui hi a tleh a, Pathianni khan Louisiana, Mississipi leh Alabama-te a nuai leh a ni. Thli tleh hian chenna in eng emaw zat a lenchhiat bakah, thingkung pawh a len tlu nasa hle.