Nuclear test leh turin NKorea inpeih

North Korea chuan nuclear ralthuam enchhin chhunzawm zel ala tum tih a sawi.

Thawhṭanni khan NKorea sorkar chuan an ram hotu lu berin hun remchang a tih hunah a ṭum rukna atan nuclear ralthuam enchhin leh turin a inpeih tawh tih a sawi.

Hetihlai hian US President Donald Trump chuan NKorea-in ballistic missile a enchhin leh chu sawiselin, NKorea hian a ṭhianṭha, China ram duhdan a zahsak lo a ni, a ti. Trump hian NKorea nuclear programme titawp tura na zawm hma la turin China a lo nawr tawh a, China President Xi Jinping chu mi ropui tak niin a sawi a ni.

China Foreign Minister Wang Yi chuan NKorea nuclear programme chungchang chinfelna chu China kutah a awm lo tih a sawi a, tunge hma la ber ang tia inhnialna chu titawp a, inbiakna neih chhunzawm dan tur ngaihtuah a ngai tawh zawk niin a sawi.