Khawvela upa ber a thi

Khawvela mihring damlai zinga upa ber dinhmun hauhtu, Indonesia mi Sodimejdo chu kum 146 mi niin Central Java-a an khuaah a thi. Mbah Ghot (grandpa Ghoto) tia sawi ṭhin, Sodimedjo hi kum 1870 December thlaa piang a ni. April 12 khan a hriselna ṭha tawk loh vangin damdawi-inah kalpui a ni a, mahse ni ruk hnuah in lama haw a duh avangin chhuah tir a ni. Damdawi-in aṭanga a chhuah hnu hian a dinhmun hi a tlahniam zel a, thil a ei ṭha lo hle. A thih hma ni eng emaw zat chu engmah a ei tawh lo. Mbah Ghot hian nupui pali a nei a, a nupuite hian an thihsan vek a ni. Unau 10 a nei bawk.