Hamas-in policy document thar tichhuak

Gaza Strip-a roreltu, Palestinian pawl Hamas chuan an policy document thar an ti chhuak a, hei hi an pawl din a nih hnuah an tihchhuah vawi khatna a ni.

Policy document tihchhuahah hian kum 1967 indo hmaa ramri ang hmangin Palestinian state chu an lo pawm lawk thu an sawi a, hemi rual hian Israel ram chuan a pawm lo tih an sawi tel nghal bawk.

Hamas chuan an buaina an neihpui berte chu Juda-te ni loin, an ram luahsaktu an ni zawk tih an sawi. An pawl thupuangtu, Fawzi Barhoum chuan Juda mite chu an haw lo a, an ram luahsak a, an mite thahsaktute chu an haw zawk tih an sawi.

Hamas hi Israel, UK, EU, US leh ram dang ṭhenkhat chuan firfiak pawlah an lo puang tawh a ni.

Hetih lai hian Israel Prime Minister Benjamin Netanyahu chuan Hamas chuan khawvel ram dangte tihderh a, an laka lanmawi an tumna mai niin a sawi a, an hlawhtling dawn chuang lo a ni, a ti. Hamas firfiakte chuan an ramah luhruk tumin lei an verh a, missile hmangin Israel civil mite chu vawi tam tak an bei tawh a ni, a ti.