Trump-a’n Israel-Palestinian buaina chinfel a duh

US President Donald Trump chuan Israel leh Palestinian inkar buaina chu mimal tak pawha chinfel a duh niin, US Vice President Mike Pence chuan a sawi.

Israel Independence Day puala White House-a hun buatsaihah Mike Pence chuan he thu hi a sawichhuak a, Trump-a hruaina hnuaiah Israel leh Palestinian bialah remna leh muanna a awm theihna tura hmalakna chuan hma a sawn zel a ni, a ti. Hetih rual hian President Trump chuan Israel ram himna khawihbuai zawng chuan tunah leh nakinah pawh enmgah a ti dawn lo tih a sawi nghal bawk.

Trump chuan America-in ṭhian leh thawhpui anga Israel a thlawp zel tur thu leh, ram pahnihte chuan an mite rikrap leh dinhmun derthawnga dahtute chuan an do let zel tur thu a sawi.

President Trump hian nimin vek han an ram tlawha zin, Palestinian Authority President Mahmoud Abbas chu White House-ah a lo kawm a ni.