Osama bin Laden kha martar a ni : Pakistan PM

Pakistan prime minister Imran Khan chuan Al-Qaida firfiak hotu hlui, Osama bin Laden kha martar a nih thu a sawi a, hei hian sawizui a sawi hle. 

Ningani-a an ram parliament, National Assembly-a thu a sawinaah, PM Khan chuan US special force-ten kum 2011-a  Pakistan hmarlam, Abbotabad khuaa Osama bin Laden an thah hnuah US leh Pakistan inkar boruak ṭhat loh chhoh dan a sawichhuak a ni. "America mite chu Abbotabad-ah kalin Osama bin Laden an that a, a martar ta a ni," a ti. 

A thusawi hi eptu party bakah midangten an sawisel zui nasa hle.