US-in visa diltute social media detail enfiah tawh dawn
US State department chuan an rama luhna tur,visa diltute chu an social media account, email leh phone number-te an enfiah tel tawh dawn.
President Donald Trump-a kaihhruai sorkar chuan an rama zin leh pim luh tumte chu uluk leh khauh zawka enfiah a tum tawh a, hemi chungchang hian Ningani khan State department chuan hriattirna a tichhuak a ni.
Visa dilte thu zawhfiahnaah hian an social media account chungchang pawh zawh an ni tawh dawn a, hei hian khawi ram aṭanga kal chin nge a huam tur erawh tarlan a ni lo a, mahse hei hi firfiak ho luah leh awp ram aṭanga kal leh tlawhte laka hman tur nia sawi a ni. Hei hian kum tina US visa diltu zinga 0.5%, mi 65,000 vel a nghawng rin a ni.
He dan tharin a huamte hian kum nga chhunga an social media an khawih dan leh an hman dante chu an tarlan tel a ngai a, hemi chhunga phone number an hman leh email address pawh tarlan tel vek a ngai ang.