Latin America ram pariatten Venezuela ram an dem

Latin America ram pariatte chuan civil mite chunga Venezuela sorkar chetdan an dem thu an sawi.

Venezuela President Nicolas Maduro leh a kaihhruai sorkar laka lungawi lohna lantir a, bang tura phutin hun eng emaw chen nawrh huaihawt a ni tawh. Nawrh huaihawt leh security force-te an innawrbuai fo a, tualchhung buaina chhuak vanga thi zat hi mi 36 an tling tawh a ni.

Latin America ram pariat - Argentina, Brazil, Colombia, Costa Rica, Guatemala, Honduras, Mexico leh Paraguay chuan civil mite chunga tharum thawhna thleng ṭhin chu an dem thu sawiin, Venezuela sorkar chuan a ram mite dikna chanvo neihte zahsak turin an phut.

Costa Rica chuan Venezuela-a an ram palai dah, charge d’affaires Ana Patricia Villalobos chu Ningani khan a ko kir ve bawk.