Trump-a’n Saudi Arabia, Israel leh Vatican tlawh dawn
US President Donald Trump chuan tun thla chhung hian Saudi Arabia, Israel leh Vatican-te a tlawh dawn.
White House chuan thuchhuah siamin, May thla tawp lamah President Trump hi NATO leh G7 Summit, Brussel leh Italy rama Sicily khuaah hmang turin a kal dawn a, hemi denchhen hian heng ram pathumte hi a tlawh kual nghal dawn tih a sawi.
Saudi Arabia-ah Presdient Trump hian King Salman bin Abdulaziz Al-Saud hmuin, firfiak pawlte beih let chungchang a sawpui dawn a ni. Heta ṭang hian Israel panin Israel Prime Minister Benjamin Netanyahu leh Palestinian President Mahmoud Abbas-te a hmu leh ang. President Trump hian Israel-Palestinian buaina chinfel thuai a duh thu a lo sawi tawh a ni.
Middle East a tlawh kual hnuah, Trump hi Vatican-ah kalin Pope Francis a hmu leh dawn a ni.