Johannesburg-a inkahna thlengah mi 14 thi

South Africa-a khawpui lian ber Johannesburg-a Soweto hmuna bar chhunga inpawng kahna thlengah mi 14 an thi a, mi dang pathumin hliam na tak an tuar bawk.

Police-te chuan he pawikhawihna hi Inrinni zan tlai tawh taka thleng a ni tih sawiin, minubus taxi aṭanga mipa rual rawn chhuakte chuan bar chhunga ṭhute chu an rawn pawng kah niin an sawi. Nimin zing thleng khan ruangte hi senghawiin , police-te chuan thil thlen dan hi a chhui zui mek a ni.

Gauteng province police commissioner Lt. Gen. Elias Mawela chuan inkahna thlenna hmuna silai mu an hmuh aṭangin, bar-a pawikhawihna thlentute hi mi ṭhahnem tak nia a lan thu a sawi a, bar kher an bitum chhan erawh an la hre thei lo tih a sawi.