France President thlangin vote an thlak

France mipuite chuan an President thar tur thlangin nimin khan vote an thlak.

April 23 khan France President thlan thawh khatna hi neih a ni tawh a, candidate 11 zingah President tling tura vote hmuh ngai zat hmu pha an awm loh avangin vote hmu sang pahnihten inthlan thawh hnihna hi an hmachhawn a ni.

Nimina inthlan thawh thihna hmachhawnte chu independent centrist Emmanuel Macron leh far-right nationalist Marine Le Pen-te an ni.

Zing dar 8 aṭangin vote thlakṭan a ni a, zan dar 7 thleng polling station hawn a ni a, khawpui lianṭhenkhatah chuan vote thlak theih hun hi zan dar 8 thleng hawn a ni thung.

Inthlan ṭhat neih hmaa mipui ngaihdan lak hnuhnung berah kum 39 mi, Marcon hian kum 48 mi, Le Pen-i lakah hma a hruai a, mahse an inthlauhna a tam lo sawt hle. inthlanah hian vote a tlak ṭhat loh chua a dinhmun a derthawng thei nia sawi a ni.

Macron hi European Union (EU) thlawptu a ni a, hetihlai hian Le Pen-i chuan EU chhuahsan duh leh duh loh chungchanga mipui ngaihdan lak a duh thung.