NKorea-in Kim Jong-un thah tumah US puh
US intellingence agency, Central Intelligence Agency (CIA) chu North Korea ram hotu lu ber, Kim Jong-un a thah tumah NKorea chuan a puh.
NKorea chuan Kim Jong-un thah tumnaah hian South Korea intellingence, National Intelligence Service (NIS) pawh a inrawlh niin a puh bawk. NIA leh CIA hian inthurualin, tur hmangin NKorea hotu hi an thah an tum niin NKorea Security Ministry chuan a sawi.
NKorea chuan CIA leh NIS hian Kim hi military parade lai emaw, Kumusan Palace-ah hun a hman lai emawin thah tir an tum sawi. Kim that tur hian kum 2014 khan Russia-a North Korea mi inhlawhfaa awm chu an fuih a, an rama a kir hunah Kim hi tur bomb hmanga that turin an ti a ni, a ti.