IS hruaitu Afghanistan-ah thi

Afghanistan sipaiten an ram khawchhak lam, Nan­garhar provice-a beihpui an thlaknaah Afghanistan rama Islamic State (IS) fir­fiak pawl hruaitu Abdul Hasib chu a thi niin, US military official chuan a sawi.

Nikuma US drone hmanga Afghanistan beihnaa IS hruaitu Hafiz Saeed Khan a thih hnu khan a aiwh turin Abdul Hasib hi ruat a ni. March thlaa Kabul-a sipai hospital beih pawh kha Hasib-a thupeka tih nia sawi a ni.

Pentagon thupuangtu chuan thla hmaaa US leh Afghanistan special force-te’n Nangahar province an beihnaah khan Hasib hi a thi niin an sawi a, he inbeihnaah hian US Army Ranger pahnih pawh an thi tel a ni. Afghanistan sorkar chuan Hasib thih thu hi April 27 khan a lo sawi tawh a ni.

Afghanistan rama IS pawl thawhpui, ISIL Khorasan (ISIL-K) tia sawi te hi kum 2015 aṭang khan an hluar ṭan a, Afghanistan leh US sipaite bakah Taliban-te pawh an bei fo a ni. Iraq leh Syria-a IS nen inzawmna nghet nei mah se, an pawl hi a hranin an che chhuak ṭhin.