Afghanistan-a inbeihnaah mi 44 an thi

Afghanistan hmarlam, Kunduz province-ah Taliban firfiak leh sipaite chu ni hnih chhung an inkap a, mi 44 an thi.

Thi zingah hian firfiak 40 an tel niin provincial police chief Abdul Hamid Hamidi chuan a sawi. Hamidi chuan firfiakte nena inbeihnaah hian sipai pali an thi a, 17 in hliam an tuar a, firfiak 40 an thih bakah midang 20 in hliam an tuar bawk niin a sawi.

Nimin khan Parwan province-a sakhaw zirna school chu bomb a ni a, Islam sakhaw zirtirtu pakhat leh zirla pali an thi. Deputy goernor Shah Wali Shahid chuan bomb puak vanga thi hi Parwan clerical council hotu, Mawlavi Abdul Rahim Hanafi a nih thu a sawi.

Shahid chuan bomb tipuaktuten an bitum ber chu Hanfi hi a nih thu a sawi a, mahse eng vanga bei nge an ni tih hriat a nih lo bakah, bomb tipuaktu pawl hi hriat an la ni lo tih a sawi. Shahid chuan pawikhawihna thleng chu fir­fiakte tih niin a puh a, class­room-a bomb lakluh a nih theih dan chu chhui chian mek a nih thu a sawi bawk.