Turkey President-in Israel policy sawisel
Turkey President Recep Tayyip Erdogan chuan Palestinian laka Israel policy chu sawiselin, chi inthliarna nasa tak kalpuiah a puh. Istanbul-a Middle East buaina chungchang a sawinaah he thu hi sawiin, Erdogan chuan US chu a embassy Tel Aviv aṭanga Jerusalem-a sawn lo turin a ti a, sawn an tum chu thil dik lo tak a ni, a ti. Turkey hruaitu hian Israel policy hi a lo sawisel fo tawh a, nikum November thla pawh khan Gaza Strip-a Israel chetdan chu Nazi hotu Adolf Hitler chet dan nen a lo tehkhin tawh a ni.