Donald Trump-a’n FBI hotu James Comey a ban

US President Donald Trump chuan Federal Bureau of Investigation (FBI) hotu, James Comey chu a ban.

Sorkar lam thu­chhuak chuan Hillary Clinton-i email a chhui danah President Trump hi lungawi loin James Comey hi a ban niin a sawi a, mahse Democrats lam chuan FBI hian campaign laia Trump-a pawl leh Russia inzawm dan a chhui vanga ban niin an sawi thung.

President Trump chuan James Comey hi lehkha thawnin, FBI ṭha taka a kaihruai thei lo ni a, US Attorney General Jeff Session-a’n a sawi chu a ṭawmpui thu a sawi. White House chuan Comey thlaktu tur hi ngaihtuah nghal a ni dawn tih a sawi bawk.

Comey hi Los Angeles-a FBI agent-te hmaa thu a sawi laiin ban a nih thu hi a team zinga pakhat chuan a hrilh a ni. Kum 56 mi, Comey hian FBI director hna hi kum li a chelhna tur a ni a, ban a nih thu an hrilh pawh hian a tirah chuan fiamthu an thawh khum niin a ngai a ni.