September 5-ah UK Prime Minister thar puang dawn
Boris Johnson-an Britain prime minister a nihna aṭanga ban a remtih thu a puan hnuah, Conservative Party-te chuan September 5 khian a thlaktu tur, an party hruaitu thar thlanchhuah chu an puang dawn tih a sawi. Party hruaitu thar tur chuhtu hi mi 11 an awm.
Thawhṭanni khan Conservative Party-a member 18 awmna, 1922 committee hruaitute chuan an hotu thar thlanchhuah tur chungchangah thutlukna an siam. Member of Parliament (MP)-te hian candidate aṭang hian final-ah thlan tur mi pahnih an thlang chhuak dawn a, heng mi pahnih aṭang hian Conservative member 2,00,000-in duh an thlang dawn a ni.
1922 committee chairman, Graham Brady chuan hruaitu thar tur thlan dan tur chu Thawhṭanni khan a tichhuak -
July 12
Conservative Party hruaitu thar ni tura chuh tumte tana hun hawn leh khar a ni. Candidate-te hian lawmaker 20 aia tlem lo thlawptu an nei tur a ni.
July 13
Vote thlak thawh khatnaah candidate-te chuan tling zel turin lawmaker 30 tal thlawpna an mamawh a ni. Candidate tam zawk hnawl an ni ang.
July 14-July 21
Conservative member te'n a tawpah mi pahnih an thlanchhuah hma zawng chu vote thlak chhunzawm a ni dawn. Karleh kar tir lamah a sang pahnih hi hriat theih beisei a ni.
July 21
1922 committee chuan July 21 hi Conservative lawmaker-ten party hruaitu chuhtu zinga final thleng tur pahnih an thlan theih hun tawpah an ruahman. House of Commons chuan nipui chawlh an hmang chhunzawm dawn a ni
July - Septembber
Final-a candidate pahnih thlan chhuah pahnihte chu Conservative party member zingah an campaign chho ang a, member-te hian an vote dawn a ni. Brady chuan final two thleng candidate-te hi inhnukdawn lo tura intiam kamna an neih ngei a duh tih a sawi a, party hruaitu thlannaah Conservative member-te chuan chanvo an neih ve ngei a duh tih a sawi.
September 5
Conservative Party chuan member te'n an aiawha party hruaitu atana an thlan chu an puang dawn a, Parliament-ah majority an neih avangin party hruaitu thar atan thlan hi Prime Minister a ni nghal dawn bawk a ni.