Trump-a’n FBI hotu a ban chhan sawifiah
US President Donald Trump chuan Federal Bureau of Investigation (FBI) Director James Comey a ban chungchangah thil dik tak a ti nia sawiin, Comey ban a nihna chhan chu hna a thawhṭhat loh vang a ni, a ti.
Thawhlehni khan Repubican president hian FBI director hi a ban a, thupek hi Democrats bakah ama party member dangte pawhin an sawisel a ni.
President Trump chuan, Comey hian a hnathawh danah America mipuite lakah rinna a hloh tawh niin a sawi a, Republican bakah Democrats ngei pawhin an ring ngam tawh lo, a ti. Boruak a daih hunah Comey a ban avang hian lawmthu an la hrilh dawn niin a sawi. Trump chuan, “Democrats lam ngei pawhin James Comey chungchang hi chhe tak takin an sawi a, ban ngei a ngaih thute pawh an sawi a, mahse tunah lungawi lo awm takin an awm leh si a ni” a ti.
Trump-a kaihhruai soka rchuan FBI-in Democratic president nominee Hillary Clinton-e email putchhuak chungchang a chhuinaah Comey thiltih dan chu a fel tawk lo nia sawiin ban a nih chhan hi a sawifiah. Mahse Democrats lam chuan inthlan dawna campaign laia Trump-a team leh Russia inzawmna neihte a chhui avanga ban niin an sawi thung.