Osama bin Laden-a fapain phuba lak a tum
Al-Qaida firfiak pawl hotu hlui, Osama bin Laden-a fapa Hamza chuan al-Qaida pawl chu chak zawka siamin, a pa phuba lak a tum nia sawi a ni.
FBI agent hlui Ali Soufan chuan Bin Laden-a thah a nih ṭuma a lehkha pawimawh eng emaw zat mansak zingah khan Hamza lehkha thawn te pawh hi a awm niin a sawi. Hamza hian a pa hi a ngaisang hle niin a sawi bawk. Hamza hi kum 28 mi a ni tawh a, al-Qaida hruaitu atan hian dah a ni dawn nia sawi a ni. US chuan ‘specially designated global terrorist’ ah a puang a, Hamza hian kum nih kalta chhung khan US vauna audio message vawi li alo tichhuak tawh a ni.