France President thar la lut

Emmanuel Macron chu nimin khan France president atan lakluh a ni ta.

Kum 39 mi, Emmanuel Macron hi France president ni thei zinga naupang ber a ni a, France rama party lian pahnih ni lo aṭanga president dinhmun luah thei hmasa ber a ni bawk. Macron hian thla 13 limata khan political party thar, En Mache! a din a, president thlanaah hnenna a chang zui a ni.

President thar lakluh inkhawm hi president office, Elysee Palace-ah neih a ni a, venhimna pawh khauh taka kalpui niin police officer 1,500 chuang an duty a, presidential palace bul vela kawngpuite pawh khar vek a ni.

France president thar, Macron hian chaw chhun ei zawhah an ram tihdan phung angin, a nupui Brigitte nen Paris town hall an tlawh nghal a ni.

Vawiinah President Marcon hian a prime minister tur hming a puang dawn a, hemi hnu hian Berlin-ah Germany Chancellor Angela Merkel-i hmu turin a zin nghal ang.