Rukban refugee camp-ah car bomb a puak

Syria rama Rukban refugee camp-ah car bomb vawi hnih a puak a, mi paruk an thi a, midang tam takin hliam an tuar.

Bomb puahna hmun hi Jordan ramri bula refugee camp a ni. A hmasa zawk hi restauran bulah a puak a, a hnuhnung zawk hi camp bazar bulah a puak a ni. He camp-ah hian Syrian raltlan sang tel an awm.

Refugee camp-a bomb puak hi eng pawl mahin an tih niin an la chhal lo.

January thla khan camp-a car bomb puak vangin mi eng emaw zat an thi a, Islamic State (IS) firfiak pawl te chetna a nih rin a ni. Nikum khan camp-ah hian bomb a lo puak tawh bawk.

Rukban hi Syria-Iraq-Jordan border-a awm a ni a, raltlan tam tak an awm bakah helpawl pawh eng emaw zat an awm bawk a, an zingah hian President Bashar al-Assad-a kaihhruai sorkar leh IS firfiak pawl beitu Jaish Ahrar al-Ashair pawh a tel.