Israel-in Trump-Netanyahu meeting record tichhuak
Israel Prime Minister Office chuan Prime Minister Benjamin Netanyahu leh US President Donald Trump-te meeting record chu Thawhṭanni khan a tichhuak.
Ram hruaitute pahnih meeting chungchang hi acting National Security Adivser Jacob Nagel-a ziah a ni a, February 17-a White House-a Trump leh Netanyahu-te’n chaw chhun ei paha an inkawmna chungchang a ziaklang a ni.
Meeting-ah hian PM Netanyahu hi US-in Tel Aviv aṭanga Jerusalem-a US embassy sawn a tum chungchang zawh a ni a, PM embassy sawn chuan buaina lian tham a chawh chhuah loh tur thu a sawi a ni. PMO thuchhuah chuan Fox News-in PM Netanyahu-a’n Jerusalem-a US embassy sawn a thlawp lo nia a report chu thu dik lo a nih thu a sawilang bawk.
US Secretaryof State Rex Tillerson chuan Pathiani khan Tel Aviv aṭanga US embassy sawnchhuah chuan Trump-a’n Israel leh Palestinian inkara muanna a awm theihna atana a hmalakna a tihbuai loh tur thu a lo sawi tawh a ni.
Trump hi kar leh hian Middle East tlawh turin a zin dawn a, Thawhṭanni-ah Israel hi a ttlheng ang. A cham chhung hian Jerusalem-ah Netanyahu nen inkawmin, Bethlehem-ah Palestinian President Mahmoud Abbas a hmu dawn bawk a ni.